МҮРДЕ

Posted: Қаңтар 29, 2011 in Экспримент

This slideshow requires JavaScript.


МҮРДЕ
Ауыл сыртындағы қабірге қарай шұбап келе жатқан топқа таяй бере ол өз көзіне өзі сенбей қалды.
Жан-жағынан қаумалай көтеріп келе жатқан табытта кәдімгі тірі – адам, тірі қыз жан-дәрмен үстіндегі ақіретті шеше алмай аласұрып келеді. Табыт алып келе жатқандар мұны көрмеген іспетті.
Барлығының қабағына қайғы орнап ауыр басып келеді.
Қабіршілерге жетіп келген ол:
– Айналайындар-ау, сендерге не көрінген, тірі адамды ақіретке орап қайда алып барасыңдар!.. – деп анаған бір, мынаған бір жүгіріп жүр.
Шамасы қыз жақыны болар белін ұзын ақ шүберек-пен байлаған жігіт ағасы:
– Тәйт ары… әкетіңдер мынаны… аруақты қорлатпаңдар… – деді.
Желкелеп өзін шеткері алып шыққан жігіттерге жалбарынып еді.
– Өзіңді де сол қызбен бірге көмсін демесең жоғал көзден… есің ауысқан шығар… бар ана бұлаққа басыңды малып есіңді жи!..
Бұлақ басына келген ол шынымен жынданған шығармын деп ойлады. Бірақ ақіреттен шыға алмай бұлқынған қыздың өзіне жалынышпен қараған көзі көкейінен кетпей қойды. Ақыры қабіршілер қайтқан соң зират басына тартты.
Жас қабірге жете қабірді құшақтап өкіріп жылап жіберді. “Кешір мені, саған араша түсе алмадым… кешір мені, маған ешкім сенбеді… ”
– Жоқ бұл сенің кінәң емес, – қыз даусы жанынан шықты. Селк ете түскен жігіт қате естідім бе деп жан-жағына қарады. Сонда барып көрді. Қабірдің арғы жағында аққұба қыз аппақ ақіретке оранып бүк түсіп отыр.
– Жүр… қашайық бұл жерден…
– Мен кете алмаймын ғой… денем мынаның астында жатыр. Қыз иегімен қабірді нұсқады.
Жігіт орнынан атып тұрды да ауылға қарай жүгірді. Шеткі үйдің босағасына сүйеулі тұрған күректі ала сала қас-қағымда қабірге келді де жан-таласа қабірді қаза бастады. Жан ақымға жетіп қыздың сүйегін көтере бергенде топырақ гүр етіп оны басты да қалды. Жан дәрмен сыртқа ұмтылған ол жер бетіне шыққанда өз денесінің қыздың мүрдесімен бірге қалғанын бірақ білді.

Advertisements
Пікірлер
  1. Нури айтады:

    шынымен осындай оқиғалар болған бекен аааа?

Пікір қалдыру

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Өзгерту )

Google+ photo

You are commenting using your Google+ account. Log Out /  Өзгерту )

Twitter picture

You are commenting using your Twitter account. Log Out /  Өзгерту )

Facebook photo

You are commenting using your Facebook account. Log Out /  Өзгерту )

Connecting to %s